Serat Kalatidha

Serat Kalatidha iku anggitane Raden Ngabehi Rangga Warsita, saka Kraton Surakarta. Serat Kalatidha utawa Kalabendu kalebu serat kang kondhang. Serat Kalatidha uga diarani serat Jaman Edan.

Kalatidha: kala -> wektu, tidha -> mangu-mangu (ragu-ragu): jaman kang kebak rasa mangu-mangu

Kalabendu: kala -> wektu, bendu(bebendu) → paukuman: jaman nalika negara nampa paukuman/pacoban saka Gusti.

Diarani serat kalabendu, amarga isine nerangake kahanan nalika manungsa wis ora bisa ngendhaleni hawa nepsune. Serat Kalatidha kalebu serat kondhang amarga:

1. Basane apik tur endah manawa diwaca utawa ditembangake.
2. Isine mentes, tansah cocog yen dadi pasinaon ing saben wektu. Isine filsafat, pitutur, ajaran tumrap manungsa urip ing ngalam donya.
3. Mujudake panjangka/ramalan jaman sing bakal kelakon.

SINOM

Amenangi jaman edan,
ewuh aya ing pambudi,
melu edan ora tahan,
yen tan melu anglakoni,
boya kaduman melik,
kaliren wekasanipun,
dilalah karsa Allah,
begja-begjane kang lali,
luwih begja kang eling lawan waspada.

Ratune ratu utama,
patihe patih linuwih,
pra nayaka tyas raharja,
panekare becik-becik,
parandene tan dadi,
paliyasing kalabendu,
malah mangkin andadra,
rubeda kang ngreribedi,
beda-beda ardane wong sanegara.

Gancarane:

1. Urip ing jaman edan sarwa pakewuh, arep melu edan ora kepenak ing ati, yen ora melu ombyaking jaman ora oleh apa-apa, wusanane ngelih/kaliren, wis dadi kersane Kang Maha Kuwasa, Sanajan wong kang lali iku bisa seneng/kepenak nanging luwih begja kang tansah eling lan ngati-ati.
2. Ratune apik,Patihe apik, para nayaka praja becik-becik, para warga kang dadi panutan ya becik ,nanging kabeh iku mau ora bisa ndadekake kahanan saya apik. Amarga saka dayane jaman kala bendu. Pacoban/bebendu saya akeh, saben wong beda-beda kekarepan lan panemune.

SERAT KALATIDHA

Salah satu karya besar dari RADEN Mas Ngabehi Ronggowarsito, Serat Kalatidha yang berisi gambaran zaman penjajahan yang disebut "zaman edan".Lahir pada 15 Maret 1802 dengan nama asli Bagus Burham. Ayahnya seorang carik Kadipaten Anom yang bernama Raden Mas Pajangswara. Ibunya Raden Ayu Pajangswara merupakan keturunan ke-9 Sultan Trenggono dari Demak.Pada 24 Desember 1873, meninggal dunia dengan tenteram. Tempat peristirahatan terakhirnya terletak di Palar, sebuah desa kecil di wilayah Klaten.

Mangkya darajating praja
Kawuryan wus sunyaruri
Rurah pangrehing ukara
Karana tanpa palupi
Atilar silastuti
Sujana sarjana kelu
Kalulun kala tida
Tidhem tandhaning dumadi Ratune ratu utama

Ratune ratu utama
Patihe patih linuwih
Pra nayaka tyas raharja
Panekare becik-becik
Paranedene tan dadi
Paliyasing Kala Bendu
Mandar mangkin andadra
Rubeda angrebedi
Beda-beda ardaning wong saknegara

Katetangi tangisira
Sira sang paramengkawi
Kawileting tyas duhkita
Katamen ing ren wirangi
Dening upaya sandi
Sumaruna angrawung
Mangimur manuhara
Met pamrih melik pakolih
Temah suka ing karsa tanpa wiweka\

Dasar karoban pawarta
Bebaratun ujar lamis
Pinudya dadya pangarsa
Wekasan malah kawuri
Yan pinikir sayekti
Mundhak apa aneng ngayun
Andhedher kaluputan
Siniraman banyu lali
Lamun tuwuh dadi kekembanging beka

Ujaring panitisastra
Awewarah asung peling
Ing jaman keneng musibat
Wong ambeg jatmika kontit
Mengkono yen niteni
Pedah apa amituhu
Pawarta lolawara
Mundhuk angreranta ati
Angurbaya angiket cariteng kuna

Keni kinarta darsana
Panglimbang ala lan becik
Sayekti akeh kewala
Lelakon kang dadi tamsil
Masalahing ngaurip
Wahaninira tinemu
Temahan anarima
Mupus pepesthening takdir
Puluh-Puluh anglakoni kaelokan

Amenangi jaman edan
Ewuh aya ing pambudi
Milu edan nora tahan
Yen tan milu anglakoni
Boya kaduman melik
Kaliren wekasanipun
Ndilalah karsa Allah
Begja-begjane kang lali
Luwih begja kang eling lawan waspada\

Semono iku bebasan
Padu-padune kepengin
Enggih mekoten man Doblang
Bener ingkang angarani
Nanging sajroning batin
Sejatine nyamut-nyamut
Wis tuwa arep apa
Muhung mahas ing asepi
Supayantuk pangaksamaning Hyang Suksma\

Beda lan kang wus santosa
Kinarilah ing Hyang Widhi
Satiba malanganeya
Tan susah ngupaya kasil
Saking mangunah prapti
Pangeran paring pitulung
Marga samaning titah
Rupa sabarang pakolih
Parandene maksih taberi ikhtiyar\

Sakadare linakonan
Mung tumindak mara ati
Angger tan dadi prakara
Karana riwayat muni
Ikhtiyar iku yekti
Pamilihing reh rahayu
Sinambi budidaya
Kanthi awas lawan eling
Kanti kaesthi antuka parmaning Suksma

Ya Allah ya Rasulullah
Kang sipat murah lan asih
Mugi-mugi aparinga
Pitulung ingkang martani
Ing alam awal akhir
Dumununging gesang ulun
Mangkya sampun awredha
Ing wekasan kadi pundi
Mula mugi wontena pitulung Tuwan

Sageda sabar santosa
Mati sajroning ngaurip
Kalis ing reh aruraha
Murka angkara sumingkir
Tarlen meleng malat sih
Sanityaseng tyas mematuh
Badharing sapudhendha
Antuk mayar sawetawis
Borong angga sawarga mesi martaya